LETTERA DEL SANTO PADRE ALL’INVIATO SPECIALE AL CONGRESSO EUCARISTICO NAZIONALE DEL GHANA (KUMASI, 19-20 NOVEMBRE 2005) In data 22 ottobre 2005, il Santo Padre Benedetto XVI ha nominato l’Em.mo Card. Anthony Olubunmi Okogie, Arcivescovo di Lagos, Suo Inviato Speciale alle celebrazioni del Congresso Eucaristico Nazionale del Ghana, che si svolgerà a Kumasi il 19 e il 20 novembre 2005.
La Missione che accompagnerà l’Em.mo Card. Anthony Olubunmi Okogie è composta da:
- Rev.do Mons. Mark Kadima, Segretario della Nunziatura Apostolica in Ghana;
- Rev.do Mons. Stephen Adu-Kwaning, Vicario Generale dell’arcidiocesi di Accra;
- Rev.do P. Christopher Bazaanah, Vicario Generale dell’arcidiocesi di Tamale.
Pubblichiamo di seguito la Lettera del Santo Padre all’Inviato Speciale:
● LETTERA DEL SANTO PADRE
Venerabili Fratri Nostro
ANTONIO OLUBUNMI S.R.E. Cardinali OKOGIE
Archiepiscopo Lagosensi
Ubique terrarum sacram Eucharistiam sollemnique congruenti ritu percolere solet Ecclesia. Ex hoc enim sacramento veluti e salienti sacerrimoque fonte Domini scimus manare uberrima beneficia salutiferaque in fideles dona, quo promptius christianam vitam exigere possint.
Saluberrimo de consilio novimus Congressum Eucharisticum Nationis Ganae diebus XIX-XX mensis Novembris futurum. Sollemni huic eventui insignis quoque CXXV anni accedit memoria, ex quo tempore Evangelii semen inibi coeptum est diffundi. Pro comperto quidem habemus ecclesialem ibidem familiam, pristinorum salutaris nuntii praeconum memorem itemque ad sacram Eucharistiam accedentem, ad suam implendam missionem perenne inventuram alimentum ac robur.
Itaque ut celebratio haec praestantius peragatur et magnificentius, virum eminentem mittere statuimus, qui personam Nostram tueatur Nostramque simul mentem significet. Ad te autem, Venerabilis Frater Noster, cogitationem Nostram admovimus, qui aptissimus dignusque visus es ad ministerium hoc sustinendum et efficaciter explendum. Ideo te Missum Extraordinarium constituimus ad Ganae Nationis Congressum Eucharisticum celebrandum atque simul ad CXXV evangelizationis annum recolendum.
Verba tandem Nostra transmittenda curabis et cohortationem ad Eucharistiae vehementiorem cultum itemque Domini ad verba uberius diffundenda. Benedictionem demum Apostolicam Nostro nomine omnibus adstantibus largiaris copiose velimus, Salvatoris superna beneficia affatim in universos devocantem.
Ex Aedibus Vaticanis die XV mensis Octobris, anno MMV, Pontificatus Nostri primo.
BENEDICTUS PP. XVI
[01436-07.02] [Testo originale: Latino]
