Sala Stampa

www.vatican.va

Sala Stampa Back Top Print Pdf
Sala Stampa


LETTERA DEL SANTO PADRE ALL’INVIATO SPECIALE ALLE CELEBRAZIONI DEL 1950° ANNIVERSARIO DELL’ARRIVO IN INDIA DI SAN TOMMASO APOSTOLO E DEI 450 ANNI DALLA MORTE DI SAN FRANCESCO SAVERIO, 09.11.2002


LETTERA DEL SANTO PADRE ALL’INVIATO SPECIALE ALLE CELEBRAZIONI DEL 1950° ANNIVERSARIO DELL’ARRIVO IN INDIA DI SAN TOMMASO APOSTOLO E DEI 450 ANNI DALLA MORTE DI SAN FRANCESCO SAVERIO

In data 19 ottobre 2002, il Santo Padre ha nominato l’Em.mo Card. Crescenzio Sepe, Prefetto della Congregazione per l’Evangelizzazione dei Popoli, Suo Inviato Speciale alle solenni celebrazioni del 1950° anniversario dell’arrivo in India di San Tommaso Apostolo e dei 450 anni dalla morte di San Francesco Saverio, in programma ad Ernakulam (India) nei giorni 16 e 17 novembre 2002.

L’Inviato Speciale sarà accompagnato da una Missione composta da:
- S.E. Mons. Lorenzo Baldisseri, Arcivescovo titolare di Diocleziana, Nunzio Apostolico in India;
- S.E. Mons. Filipe Neri António Sebastião Do Rosário Ferrão, Vescovo Ausiliare di Goa;
- S.E. Mons. Thomas Chakiath, Vescovo Ausiliare di Ernakulam-Angamaly.

Pubblichiamo di seguito la Lettera del Papa all’Em.mo Card. Crescenzio Sepe:

● LETTERA DEL SANTO PADRE

Venerabili Fratri Nostro
CRESCENTIO
S.R.E. Cardinali SEPE
Congregationis pro Gentium Evangelizatione Praefecto

Praestantiores inter eventus coram Indiae fidelibus annumerari plane arbitramur commemorationem, qua feliciter in illas oras Sancti Thomae Apostoli MCML adventus anniversaria memoria celebratur ac simul Sancti Francisci Xaverii CCCCL obitus anniversaria recordatio recolitur, qui Evangelii illa in Natione insignis fuit nuntiator. His ideo auctoribus quondam salutaria germina illis in locis disseminari coepta sunt, unde ecclesiasticae communitates succrescere potuerunt ac pietatis fundere uberes fructus.

Admodum ideo decet ut eventus hic congruenter commemoretur et iusta ratione extollatur. Celebratio enim haec copiam dat et facultatem non huius rei dumtaxat memoriam repetendi, verum homines ad ferventiorem religionis sensum, firmiorem fidem certioraque proposita, pristinis illis instantibus exemplis, permovendi.

Ipso igitur favente Domino, mensis Novembris XVI-XVII diebus huius rei sollemniora Ernakulamensi in urbe agentur, omnium ibidem rituum communitatibus feliciter congregatis, ut liquidius ecclesialis unitas conspiciatur et communi de sententia apostolicum opus explicetur.

Perinde ac Decessor Noster recolendae memoriae Pius XII anno MCMLII egit eundem eventum commemoraturus, Nos etiam, quo ritus hic magnificentius efficaciusque evolvatur, Venerabilium Fratrum Indiae Episcoporum postulatis libenter occurrentes, mittere aliquem eminentem Praesulem statuimus, qui partes Nostras sustineat ac Personam gerat. Ad te autem, Venerabilis Frater Noster, cogitationem convertimus, qui Evangelium per orbem diffundendum diligenter curans prorsus idoneus occurris ad ministerium hoc praestandum et luculenter explendum. Itaque permagna moti affectione, te, Venerabilis Frater Noster, Missum extraordinarium renuntiamus et constituimus ad celebrationem quam supra diximus agendam.

Universis igitur harum celebrationum participibus fidelibusque inibi cunctis voluntatem Nostram benignarn prolixumque animum ostendes. Universis Nostro nomine Benedictionem Apostolicam impertias velimus, quae sit animorum renovationis signum et futuro de tempore supernarum gratiarum in omnes Indiae fideles documentum.

Ex Aedibus Vaticanis, die XX mensis Octobris, anno MMII Pontificatus Nostri quinto et vicesimo.

IOANNES PAULUS II

[01746-07.02] [Testo originale: Latino]