On 18 July 2026, the Holy Father appointed His Eminence Cardinal Francesco Montenegro, archbishop emeritus of Agrigento, as his Special Envoy to the celebrations for the seventh centenary of the arrival of Praia a Mare (diocese of San Marco Argentano – Scalea, Cosenza in Calabria) of the primitive effigy of the “All Holy Mother of God”, to take place at the diocesan shrine of “Santa Maria della Grotta” from 14 to 15 August 2026.
The Pontifical Mission will be composed of the following ecclesiastics:
1. Reverend Paolo RAIMONDI, parish priest of the parish of “Santa Maria della Grotta” and rector of the Shrine of “Santa Maria della Grotta” in Praia a Mara;
2. Reverend Antonio FASANO, episcopal chancellor.
The following is the Letter sent by the Holy Father to the Special Envoy, His Eminence Cardinal Francesco Montenegro:
Letter of the Holy Father
Venerabili Fratri Nostro
FRANCISCO S.R.E. Card. MONTENEGRO
Archiepiscopo emerito Agrigentino
Christi celebrans mysterium, Beatam Mariam Virginem commemorat Ecclesia Filio intime devinctam, mulierem recolens novam, quae, Christi mortis intuitu, in ipsa conceptione sublimiore modo est redempta; matrem, quae, Spiritus Sancti virtute, Filium virginaliter genuit; discipulam, quae Magistri verba sedula in corde suo custodivit; et Redemptoris sociam ex divino consilio operi Filii generose totam devotam; atque in eadem agnoscit supereminens quoque ac singulare membrum omni copia exornatum virtutum, quam in itinere fidei et in aerumnis vitae comitem profitetur, in ea, iam in caelesti regno apud Filium locata, imaginem futurae suae gloriae laeta contemplans in eius in caelum praefiguratae Assumptione, ubi stat Virgo Dei Mater tamquam Ecclesiae consummandae initium et imago ac populo peregrinanti certae spei et solacii documentum (cfr Missale Romanum, In Assumptione BMV, praefatio).
Hoc marialis fidei sustentati argumento, valde laetamur de VII centesima occurrente memoria ab inventione simulacri Dominae Nostrae a Crypta ad litus Scaleense apud Bruttios. Quam proinde recolentes occasionem, Venerabilis Fratris Stephani Rega, Sancti Marci Argentanensis - Scaleensis episcopi, humanissimae petitioni libenter concedere volumus, qui enixe postulavit, ut Missarum sollemnia honori sibi ducere possint praesentiam ac verbum alicuius Eminentissimi Viri, qui Nostras vices ibi gerat Nostramque erga conventam communitatem manifestet dilectionem.
Ad Te ergo, Venerabilis Frater Noster, mentem Nostram convertimus, qui praecipuas loci necessitudines ita comperis, ut hodie peraptus videaris, qui, Nostras vices ibi gerens, erga istam communitatem proximitatem Nostram manifestes, praesentia ac verbo Tuo celebrationem huius iubilaris anni exornans. Te, proinde, ad hanc legationem obeundam elegimus et, hisce Litteris, Missum Extraordinarium Nostrum nominamus ad Missarum sollemnia, diebus XIV et XV proximi mensis Augusti agenda, in VII centesima memoria a celebris simulacri Deipearae inventione.
Libenter Tibi potestatem facimus, dum insigni eidem occasioni intereris, Pastorem Sancti Marci Argentanensis - Scaleensem totumque christifidelium coetum et publicas auctoritates Nostro nomine salutandi ac benedicendi, intercedente Christi Matre in caelum assumpta, quae hominibus hodiernis, haud raro inter angorem et spem iactatis, serenum praebet prospectum hominibus aerumnis afflictis, numquam materna dilectione intercedere desinens.
Dum Tibi, Venerabilis Frater Noster, Benedictionem impertimur omnibus, qui celebrationi aderunt, transmittendam, legationem Tuam ardentibus precibus comitamur, a Deo misericordiae suppliciter obsecrantes, ut de huius Anni Iubilaris festivitate multiplices carpant fructus.
Ex Aedibus Vaticanis, die XIII mensis Iulii, anno Domini MMXXVI, Pontificatus Nostri secundo.
LEO PP. XIV
