In data 25 luglio 2026, il Santo Padre ha nominato l’Em.mo Card. Mario Grech, Segretario Generale della Segreteria Generale del Sinodo, Suo Inviato Speciale alla celebrazione del 250° anniversario dell’erezione canonica della Diocesi di Spiš, che si terrà presso la Cattedrale di San Martino in Spišská Kapitula sabato 26 settembre 2026.

La Missione Pontificia, è composta dai seguenti ecclesiastici:

1. Rev.do Sac. Michal Janiga, Parroco e Vicario foraneo a Dolný Kubín, e Docente di Teologia pastorale presso l’Istituto Teologico di Spišské Podhradie;

2. Rev.do Sac. Marek Tomaga, Vicario giudiziale e Docente presso l’Istituto Teologico di Spišské Podhradie.

Pubblichiamo di seguito la Lettera del Santo Padre all’Inviato Speciale, l’Em.mo Card. Mario Grech:

Lettera del Santo Padre

Venerabili Fratri Nostro

MARIO S.R.E. Cardinali GRECH

Secretario Generali Secretariae Generalis Synodi

Numquam immemor summae caritatis a Dei Filio in cruce maxime ostentae pro mundi salute, Scepusiensis grex, in fidelitate inconcussa erga Christum eiusque Ecclesiam dioecesanae historiae inter gaudia et dolores saeculare iter recordando, viva voce hymnum Te Deum canit ac diligenter singulare hoc anno eventum celebrat, cum CCL anni feliciter recoluntur a canonica hac erecta dioecesi. Illam enim bulla Romanus Pontifex nuncupata condidit Praedecessor Noster rec. mem. Pius VI die XIII mensis Martii anno MDCCLXXVI, prae oculis habens spirituales Slovachiae fidelium necessitates.

Quamobrem, sicut novimus, Venerabilis Frater Franciscus Trstenský, Episcopus Scepusiensis, hac occasione feliciter data, Annum Iubilarem Dioecesanum indixit, tempus videlicet precis pastoralisque considerationis, qui proximo mense Septembri conficitur. Faustam igitur hanc opportunitatem nactus, memoratus Praesul, una voce cum grege sibi commisso humanissime rogavit ut Nos quendam eximium Purpuratum designaremus qui celebrationi Iubilaei complendi Nostro nomine praeesset atque verba spiritualis cohortationis pronuntiaret. Piae huic postulationi adnuere volentes, ad Te, Venerabilis Frater Noster, decurrimus qui, pietate ac sapienti spiritu praeditus, ut providus ac diligens pastor emines, impiger ad fidelium bonum patrandum.

Te igitur hisce Litteris MISSUM EXTRAORDINARIUM NOSTRUM nominamus ad celebrationem de qua supra diximus, quae die XXVI advenientis mensis Septembris in ecclesia Cathedrali dioecesis Scepusiensis s. Martino, episcopo, dicata sollemni ritu agetur. Cohortabere omnes huius eventus participes ut renovatis viribus novoque studio vivam servent spem ad promissa Dei obtinenda, quippe qui huius Iubilaei copiosa adepti sint spiritalia beneficia et miserentis Domini gratias, quae procul dubio in cotidiano sustinendo opere multum afferunt adiumenti.

Sacrorum Antistitem praedictae ecclesialis communitatis, sacros Praesules, sacerdotes, religiosos viros mulieresque, publicas auctoritates et christifideles laicos, Nostro salutabis nomine Nostramque iis ostendens benevolentiam.

Nosmet Ipsi Te, Venerabilis Frater Noster, in tua missione implenda precibus comitabimur, Beata Maria Virgine Perdolenti et s. Martino, episcopo, intercedentibus, Tibique Apostolicam Nostram Benedictionem libentes iam nunc impertimur, signum Nostrae erga Te benevolentiae et caelestium donorum pignus, quam omnibus celebrationis participibus rite transmittas volumus.

Datum Romae, apud S. Petrum, die VIII mensis Augusti, anno Domini MMXXVI, Pontificatus Nostri secundo.

LEO PP. XIV

[01331-LA.01]

[B0713-XX.01]