In data 24 agosto 2024 il Santo Padre ha nominato l’Em.mo Card. Baltazar Enrique Porras Cardozo, Arcivescovo emerito di Caracas, Legato Pontificio per il 53° Congresso Eucaristico Internazionale, che sarà celebrato a Quito, nel 150° anniversario della consacrazione dell’Ecuador al Sacro Cuore di Gesù, dall’8 al 15 settembre 2024, domenica quest’ultima in cui si terrà la “Statio Orbis”.
L’Inviato Speciale sarà accompagnato da una Missione Pontificia composta dai seguenti ecclesiastici:
1) Rev.do P. Wilson POSLIGUA BRAN, O.S.S., Vicario per la Vita Consacrata;
2) Rev.do Don Darwin SALAZAR CALDERÓN, Cancelliere Arcidiocesano.
Pubblichiamo di seguito la Lettera del Santo Padre all’Inviato Speciale:
Lettera
Venerabili Fratri Nostro
BALTHASARI HENRICO S.R.E. Cardinali PORRAS CARDOZO
Archiepiscopo emerito Caracensi
Sanctissimi Corporis et Sanguinis Christi mystica indoles in Dei erga nos demissione nititur, proinde et socialem secum ferens rationem, ut «unum corpus» (1 Cor 10, 17) efficiamur in exsistentiam unam fusi. In Eucharistico sacramento, enim, amor in Deum et amor in proximum vere coniunguntur: incarnatus Deus omnes ad se nos trahit (cfr Benedictus XVI, Deus caritas est 13-14), suae nos in caritatis fornacem immergit (cfr Desiderio desideravi, 57), quae in Iesu Sacri Cordis symbolo eminentissime exprimit aeterni illius amoris imaginem (cfr s. Paulus VI, Investigabiles divitias Christi).
Necesse est, igitur, fraternitatem ad medendum mundo simul aedificemus, dum eandem exoptamus «uti unum genus humanum, uti viatores eadem humana carne facti, uti filii eiusdem terrae quae nos omnes recipit, quisque cum divitiis fidei suae vel persuasionum suarum, quisque cum voce sua, omnes fratres» (Fratres omnes, 8). Ut donationem Dei resuscitemus (cfr 1 Tm 1, 6) simulque omnes gentes uti fratres agnoscamus ex amore Eucharistico, qui a Christi Corde manat, coniunctos, unius Patris filios et fraternitatis fabricatores, animum Nostrum ad LIII Congressum Eucharisticum Internationalem apparamus, CL quoque anniversarium a consecratione Aequatoriae Sacro Cordi Iesu pie recolentes, qui ideo proximo Septembri mense Quitensi in urbe celebrabitur, dum ibique Statio orbis die dominica XV eiusdem mensis eveniet.
Cum aliquem Purpuratum quaeramus Patrem, qui personam ac proximitatem Nostram gesturus huic Congressui praeesse valeat, ad Te, Venerabilis Frater Noster, libenter decurrimus, Archiepiscopum emeritum Caracensem, harumque Litterarum vi Te Legatum Nostrum designamus, mandatis Tibi factis, ut integram per hebdomadam diebus VIII-XV proximi mensis Septembris in praeclara urbe Quito in Aequatoria sollemnibus Congressus Eucharistici Internationalis celebrationibus Nostro nomine praesis cunctisque ibi congregatis fidelibus assiduam Nostram manifestes humanitatem. Ad ecclesialem Eucharistiae sensum attingens, eundem quoque communionis fontem esse renuntiabis, ex quo mandatum gignitur operis sanationis Christi erga huius mundi vulnera adaperiendi.
Dum per Te, Venerabilis Frater Noster, sacros Praesules, sacerdotes, religiosos viros mulieresque, publicas auctoritates et christifideles laicos consalutamus, Quiti Congressus participes, precibus Nostris omnes comitamur, Omnipotentem Deum obsecrantes ut, materna intercessione Beatae Mariae Virginis de El Quinche suffulti, fraternitatem ad mundo medendum de Eucharistia consequi ac testificari valeant.
Hoc munus ingentis quippe aestimantes ponderis, Tibi, Venerabilis Frater Noster, Benedictionem impertimur universis Congressus Eucharistici Internationalis Quitensis participibus transmittendam, omnium donorum conciliatricem speique pignus.
Datum Romae, Laterani, die XV mensis Augusti, in sollemnitate Assumptionis Beatae Mariae Virginis, anno Domini MMXXIV, Pontificatus Nostri duodecimo.
FRANCISCUS
[01333-LA.01] [Testo originale: Latino]
