LETTERA DEL SANTO PADRE AL SUO INVIATO SPECIALE ALLA CELEBRAZIONE DEL MILLENARIO DELL'ABBAZIA DELLA SANTISSIMA TRINITÀ DI CAVA (4 SETTEMBRE 2011) Il Santo Padre Benedetto XVI ha nominato lo scorso 2 luglio l'Em.mo Card. Renato Raffaele Martino, Presidente emerito del Pontificio Consiglio della Giustizia e della Pace, Suo Inviato Speciale alla celebrazione del millenario dell'Abbazia della Santissima Trinità di Cava (Italia), in programma il 4 settembre 2011.
Il Cardinale Inviato Speciale sarà accompagnato da una Missione composta dai seguenti monaci:
- Rev.mo P. Bruno Marin, O.S.B., Abate Presidente della Congregazione Sublacense con sede al Monastero di Sant'Ambrogio a Roma;
- Rev.mo P. Pietro Vittorelli, O.S.B., Abate di Montecassino con sede all'Archicenobio di Montecassino.
Di seguito pubblichiamo la Lettera del Papa all’Em.mo Card. Renato Raffaele Martino:
● LETTERA DEL SANTO PADRE
Venerabili Fratri Nostro
RENATO RAPHAELI S.R.E. CARDINALI MARTINO
Pontificii Consilii de Iustitia et Pace emerito Praesidi
Millenaria iam appetit memoria ex quo tempore Abbatia Sanctissimae Trinitatis Cavensis condita est. Ex illa aetate monasterium feliciter multumque crevit, ita ut alia coenobia gigneret, quae sancti Benedicti diffunderent praecepta et Salvatoris salutaria beneficia. Complures insuper inibi praestantes exstiterunt viri tum sanctitate, tum doctrina, tum operositate, qui saeculorum decursu ipsum monasterium collustrarunt et in populum spiritalia et corporalia subsidia converterunt.
Admodum ideo aequum est et convenit ut eventus hic congruenter commemoretur et optimo iure extollatur. Celebratio enim haec copiam dat et facultatem non tantae antiquitatis dumtaxat memoriam repetendi, verum homines ad ferventiorem religionis sensum, firmiorem fidem certioraque proposita permovendi, insignibus instantibus huius Abbatiae christianae fidei exemplis.
Ipso igitur miserenti favente Domino, mense proximo Septembri sollemniter mille annorum recoletur huius Abbatiae memoria, frequenti adstantium monachorum fideliumque corona, cum ipsius primordia revocabuntur ac superiorum fastorum documenta.
Quocirca, cum Reverendissimus Pater Iordanus Rota, Abbas Administrator Apostolicus Abbatiae Sanctissimae Trinitatis Cavensis, rogavisset ut Purpuratum Patrem mitteremus, huic postulationi obsecundandum iudicavimus, quo ritus ille elatius et luculentius explicaretur. Ad te ideo, Venerabilis Frater Noster, cogitationem convertimus, qui idoneus videreris ut eventui illi interesses personamque inibi Nostram gereres. Itaque permagna moti affectione, te MISSUM EXTRAORDINARIUM NOSTRUM renuntiamus et constituimus ad celebrationem die IV mensis Septembris millenariam Abbatiae Sanctissimae Trinitatis Cavensis agendam.
Universis igitur participibus ac familiae potissimum Benedictinorum voluntatem Nostram benignam ostendes, ac pariter cohortationem ad pristinam illam pietatem repetendam atque salubria praecepta tenenda. Omnibus Nostro nomine auctoritateque Benedictionem Apostolicam impertias volumus, quae sit animorum renovationis signum et futuro de tempore supernarum gratiarum documentum.
Ex Arce Gandulfi, die IV mensis Augusti, anno MMXI, Pontificatus Nostri septimo.
BENEDICTUS PP XVI
[01208-07.01] [Testo originale: Latino]
