LETTERA DEL SANTO PADRE ALL’INVIATO SPECIALE AL 22º CONGRESSO MARIOLOGICO MARIANO INTERNAZIONALE (LOURDES, FRANCIA, 4-8 SETTEMBRE 2008) In data 5 luglio 2008 è stata resa pubblica la nomina dell’Em.mo Card. Paul Poupard, Presidente emerito del Pontificio Consiglio della Cultura, quale Inviato Speciale del Santo Padre a presiedere il 22º Congresso Mariologico Mariano Internazionale, che avrà luogo a Lourdes (Francia) dal 4 all’8 settembre 2008.
La Missione che accompagnerà il Cardinale Inviato Speciale è composta dai seguenti ecclesiastici:
- Rev.do Can. Pierre-Marie CHARRIEZ, Cappellano dei Santuari di Notre-Dame de Lourdes e Direttore dell’Ufficio Patrimonio culturale diocesano;
- Rev.do Sac. Raymond ZAMBELLI, Rettore dei Santuari di Notre-Dame de Lourdes.
Pubblichiamo di seguito la Lettera del Santo Padre all’Em.mo Card. Paul Poupard:
● LETTERA DEL SANTO PADRE
Venerabili Fratri Nostro
PAULO S.R.E. Cardinali POUPARD
Pontificii Consilii de Cultura Praesidi emerito
Si quidem annorum decursu singularem pietatem peculiaremque cultum Virgini Mariae tribuere in orbe terrarum fideles consueverunt, id insigne apud Lapurdense sanctuarium copiosius evenire novimus, quo turmatim homines confluere solent animi corporisque beneficia petituri. Ibidem enim Immaculata Virgo apparuisse perhibetur quaedam necessaria monita cum significaret, ut, transituris rebus posthabitis, aeterna sine cunctatione peterentur.
Perpetua singularisque illa pietas, qua erga sanctissimam Iesu Christi Matrem fertur Ecclesia, impellit ut quam amplissime ipsa cognoscatur et theologicis vestigationibus confirmetur. Quapropter diebus IV-VIII mensis Septembris XXII Congressus Mariologicus Marianus Internationalis agetur, in quo de ipsa Deipara praeclarorum doctorum perspicua erit inquisitio, variis de Ipsa argumentis diserte agitatis.
Decet igitur et admodum convenit ut congressus hic congruenter optimoque iure extollatur. Ipse enim copiam dat et facultatem non de Mariali doctrina dumtaxat disserendi, verum animos ad ferventiorem religionis sensum, firmiorem fidem certioraque proposita permovendi.
Quocirca ut congressus hic magnificentius evolvatur, mittere aliquem eminentem virum statuimus, qui partes Nostras sustineat et personam agat. Ad te autem, Venerabilis Frater Noster, cogitationem convertimus, qui prorsus idoneus occurris ad ministerium hoc praestandum et luculenter explendum. Itaque permagna moti affectione, te, Venerabilis Frater Noster, Missum extraordinarium renuntiamus et constituimus, qui congressum illum rite praesideas.
Universis igitur dissertatoribus, participibus auscultatoribusque inibi cunctis voluntatem Nostram benignam ostendes et cohortationem ad mariale studium significes. Omnibus Nostro nomine Nostraque auctoritate Benedictionem Apostolicam impertias volumus, quae sit animorum renovationis signum et supernarum gratiarum nuntiatrix.
Ex Aedibus Vaticanis, die XXIII mensis Iunii, anno MMVIII, Pontificatus Nostri quarto.
BENEDICTUS PP XVI
[01223-07.01] [Testo originale: Latino]
