Sala Stampa

www.vatican.va

Sala Stampa Back Top Print Pdf
Sala Stampa


LETTERA DEL SANTO PADRE ALL’INVIATO SPECIALE ALLE CELEBRAZIONI DEL 17° CENTENARIO DEL MARTIRIO DI SAN LIBERATORE, COMPATRONO DI ARIANO IRPINO-LACEDONIA (ARIANO IRPINO, 20 MAGGIO 2006), 13.05.2006


LETTERA DEL SANTO PADRE ALL’INVIATO SPECIALE ALLE CELEBRAZIONI DEL 17° CENTENARIO DEL MARTIRIO DI SAN LIBERATORE, COMPATRONO DI ARIANO IRPINO-LACEDONIA (ARIANO IRPINO, 20 MAGGIO 2006)

In data 25 marzo 2006, il Santo Padre ha nominato l’Em.mo Card. Renato Raffaele Martino, Presidente del Pontificio Consiglio della Giustizia e della Pace e del Pontificio Consiglio della Pastorale per i Migranti e gli Itineranti, Suo Inviato Speciale alle solenni celebrazioni che avranno luogo ad Ariano Irpino il 20 maggio 2006, nel XVII Centenario del martirio di San Liberatore.

La Missione che accompagnerà l’Em.mo Card. Renato Raffaele Martino è composta dai seguenti ecclesiastici della diocesi di Ariano Irpino-Lacedonia:

- Rev.do Mons. Antonio Blundo, Vicario Generale;

- Rev.do Mons. Donato Minelli, Responsabile dell’Ufficio Beni Culturali.

Pubblichiamo di seguito la Lettera del Santo Padre all’Inviato Speciale:

● LETTERA DEL SANTO PADRE

Venerabili Fratri Nostro

RENATO RAPHAELI S.R.E. Cardinali MARTINO

Pontificii Consilii de Iustitia et Pace Praesidi

Peculiarem solet catholica Ecclesia cultum praeclaris fidei testibus, martyribus videlicet, tribuere, quos nulla tormentorum vis ad mutandam in proposito mentem adigere potuit. Inter hos est annumerandus procul dubio Sanctus Liberator. Ipse - quemadmodum in quibusdam legimus narrationibus - a sancto Marcello I Pontifice ad Arianensem urbem missus Episcopus, cum ibidem populum christianam doctrinam doceret, a militibus est comprehensus et in carcerem Nolae coniectus. Cum esset se esse christianum confessus, capitis abscissione gloriosa occubuit morte.

Huius Caelitis recolitur millesima septingentesima a martyrio anniversaria memoria, quae in Ecclesia Arianensi Hirpina-Loquedoniensi celebrari iam est coepta die XV mensis Maii anno praeterito, cuius finis circumacto anno feliciter fiet. Ut Ariani primus Episcopus isque caelestis totius dioecesis Compatronus condigne reque honorificeretur, complura incepta laudabiliter sunt suscepta, ut commemoratio haec uberes fructus Dei plebi afferret. Franciscalium missionariorum etiam opera tota ecclesialis communitas ad spiritalem renovationem incitatur. Pastoralis actio in iuvenes convertitur ut hodiernis temporibus quisque sua pro parte christianae fidei reddat testificationem. Ecclesiae particularis eiusque Praesulis locus plane perpenditur ipsorumque momentum extollitur. Popularis pietas aequa aestimatione sustinetur, quae inter difficultates, quae annorum decursu nonnullae exstiterunt, firma maneat animosque spiritaliter sustentet.

His profecto consideratis rebus, libentes volentesque postulatis occurrere volumus Venerabilis Fratris Ioannis D'Alise, Episcopi Arianensis Hirpini-Loquedoniensis, qui, eventus ille quo magnificentius ageretur et annus dioecesis caelesti Compatrono dicatus congruentius die XX mensis Maii compleretur, a Nobis petiit ut eminentem Praesulem, animi Nostri interpretem, mitteremus. Ad te autem, Venerabilis Frater Noster, cogitationem convertimus, quem omnino parem iudicamus huic officio sustinendo. Itaque, magnam aestimationem Nostram significantes, te Missum Extraordinarium ad illum sacrum ritum agendum renuntiamus et constituimus.

Palam demum benevolentiam Nostram declarabis et sollicitudinem, dum preces pariter fundimus ut caelestis hic Compatronus late proferat pietatem et gentibus illis, quae circa sunt, magis magisque sit radians ipse fidei testis veluti sidus, quo vicissim fideles ipsi ad maiorem usque christianae vitae testificationem incitentur. Salutationem tandem fervidam omnibus transmittas et Benedictionem Nostram Apostolicam universis simul huius eventus participibus nomine Nostro Nostraque auctoritate largiaris volumus, quae sit superni subsidii firmamentum et animorum renovationis invitamentum.

Ex Aedibus Vaticanis, die XXV mensis Martii, in sollemnitate Annuntiationis Domini, anno MMVI, Pontificatus Nostri primo.

BENEDICTUS PP. XVI

[00703-07.02] [Testo originale: Latino]