LETTERA DEL SANTO PADRE ALL’INVIATO PONTIFICIO ALLE CELEBRAZIONI CONCLUSIVE DEL "PELLEGRINAGGIO DEI GIOVANI EUROPEI" (SANTIAGO DE COMPOSTELA, 7-8 AGOSTO 2004) In data 19 giugno 2004, il Santo Padre Giovanni Paolo II ha nominato l’Em.mo Card. Antonio María Rouco Varela, Arcivescovo di Madrid, Inviato Pontificio alle celebrazioni conclusive del "Pellegrinaggio dei Giovani Europei", che avranno luogo a Santiago de Compostela nei giorni 7-8 agosto 2004.
La Missione che accompagna l’Inviato Pontificio è composta da:
- Rev.do Mons. Luigi Bianco, Consigliere della Nunziatura Apostolica in Spagna;
- Rev.do Mons. Salvador Domato Búa, del clero di Santiago de Compostela, Segretario Particolare del Cardinale Arcivescovo di Madrid;
- Rev.do Mons. Andrés Pardo Rodríguez, del clero di Madrid, Delegato per la Liturgia e Maestro delle Cerimonie della Cattedrale di Madrid.
Pubblichiamo di seguito la Lettera del Santo Padre all’Em.mo Card. Antonio María Rouco Varela:
● LETTERA DEL SANTO PADRE
Venerabili Fratri Nostro
ANTONIO MARIAE S.R.E. Cardinali ROUCO VARELA
Archiepiscopo Matritensi
Condignam solet catholica Ecclesia observantiam eximiis in orbe terrarum Sanctuariis ipsisque Sanctis cunctis praestare iisque potissimum qui operibus insignibus animose sciteque vacaverunt, quique, bene de Ecclesia meriti, clara virtutum exhibuerunt exempla itemque flagranti permoti studio penitus se Deo consecrarunt Ecclesiaeque saluti. Inter hos quidem est annumerandus procul dubio Sanctus Iacobus, qui Compostellano in Sanctuario pientissime, antiquis iam temporibus, colitur.
Quandoquidem igitur hic annus celebratur Compostellanus, frequens fiet peregrinatio Europaea iuvenum, qui diebus V-VIII mensis Augusti illuc "Christi testes pro Europa spei" confluent, christiana proposita renovaturi ibidemque tamquam Diem Mundialem Iuventutis Coloniae proximo anno celebrandum paraturi. De mente minime excidit pastorale iter illud quod Ipsi ad perillustrem illum locum fecimus, Christi verba frequenti fidelium multitudini ut significaremus.
Quapropter libentes volentesque postulatis occurrere volumus Venerabilium Fratrum Hispaniae Episcoporum qui, eventus ille quo magnificentius ageretur, a Nobis petiit ut eminentem virum, animi Nostri interpretem, mitteremus. Ad te autem, Venerabilis Frater Noster, cogitationem convertimus, quem omnino parem iudicamus huic officio sustinendo. Itaque magnam aestimationem Nostram significantes, te Missum Extraordinarium ad illum sacrum ritum agendum renuntiamus et constituimus.
Universis quidem huius commemorationis participibus cunctisque adstantibus Nostram cohortationem Nostramque benevolentiam ostendes, quibus totam participantium communitatem complectimur. Ipsius Sancti Iacobi demum in omnes devocamus patrocinium, qui supernis beneficiis eosdem iuvare dignetur, ut inibi fideles sine cunctatione Europae spei aedificandae dent operam. Benedictionem demum Nostram Apostolicam Nostro nomine impertias velimus, quae sit superni subsidii firmamentum et animorum renovationis incitamentum.
Ex Arce Gandulfi, die XIX mensis Iulii, anno Domini MMIV, Pontificatus Nostri sexto et vicesimo.
IOANNES PAULUS II
[01190-07.02] [Testo originale: Latino]
