LETTERA DEL SANTO PADRE AL SUO INVIATO SPECIALE AL CONGRESSO EUCARISTICO NAZIONALE DEL MESSICO (CITTÀ DEL MESSICO, 5 - 7 MAGGIO 2000) In data 4 marzo 2000 il Santo Padre Giovanni Paolo II ha nominato il Cardinale Jorge Arturo Medina Estévez, Prefetto della Congregazione per il Culto Divino e la Disciplina dei Sacramenti, Suo Inviato Speciale al Congresso Eucaristico Nazionale del Messico, in programma a Città del Messico dal 5 al 7 maggio prossimo.
Il Cardinale Medina Estévez sarà accompagnato da una Missione composta da:
Rev.do Sac. Luis Barrera Flores, Segretario Esecutivo della Conferenza Episcopale Messicana;
Rev.do Sac. Joaquín Vázquez Avila, Rettore del Seminario Conciliare di Yucatán;
Rev.do P. Nicola Giampietro, O.F.M. Cap., Officiale della Congregazione per il Culto Divino e la Disciplina dei Sacramenti; Rev.do P. Nicola Giampietro, O.F.M. Cap., Officiale della Congregazione per il Culto Divino e la Disciplina dei Sacramenti;
Rev.do Sac. Jorge Fernando Quiñones Alecio, Officiale della Congregazione per il Culto Divino e la Disciplina dei Sacramenti.
Pubblichiamo di seguito la Lettera che il Santo Padre ha inviato per l’occasione al Cardinale Jorge Arturo Medina Estévez:
Venerabili Fratri Nostro
GEORGIO ARTURO S.R.E. Cardinali MEDINA ESTÉVEZ
Congregationis de Cultu Divino et Disciplina Sacramentorum Praefecto
Augustissimum corporis Christi mysterium, ubique terrarum cunctas apud Ecclesias conspicuum usque obtinere locum solet. Ex eucharistico enim sacramento, salienti quasi e fonte, lato patente gremio, spiritalis salubritas beneficiorumque Domini copia affatim manant ac defluunt. Fideles autem ad caeleste convivium accedentes, supernis praesidiis roborati, suam operam in cotidianis officiis sustinendis fortius studiosiusque agere valent.
Probando de consilio novimus Congressum Nationalem Mexici Eucharisticum, Mexicana ipsa in urbe, nominatim celebrata Guadalupensi in Basilica, V-VII diebus mensis Maii, futurum. Magno iam praefulgente Iubilaeo, fideles turmatim venturos arbitramur, Corporis et Sanguinis Christi mysterium ut pientissime, quemadmodum decet, colant et venerentur.
Cupimus et Nos pietatis hae testificationes ut confirmentur et fides roboretur, quo latius pleniusque Salvatoris hodierni homines fruantur salute et ipsi hoc divino de Sacramento uberrimos capiant fructus. Sacrum namque hoc convivium plurimum affert efficacitatis et ad maiora patranda usque compellit.
Itaque ut celebratio haec clarius peragatur et aspectabilius, congrua iustaque Fratribus Mexicanis petentibus Episcopis, ad te Venerabilis Frater Noster, cogitationem Nostram admovimus, qui aptissimus praestabilisque visus es ad ministerium hoc sustinendum et insigniter explendum. Fraternam ideo in te benevolentiam declarantes, temet MISSUM EXTRAORDINARIUM constituimus et nominamus ad Congressum Mexicanae Nationis Eucharisticum celebrandum.
Verba Nostra transmittenda curabis et cohortationem ad Eucharistiae vehementiorem cultum itemque omnibus participibus benevolentiam Nostram significabis, opifera intercedente Beata Guadalupensi Virgine Maria. Benedictionem demum Apostolicam Nostro nomine Nostraque auctoritate omnibus participibus largiaris copiose velimus, superna adiumenta nuntiantem et feliciora tempora.
Ex Aedibus Vaticanis die XX mensis Martii, anno MM, Pontificatus Nostri altero et vicesimo.
IOANNES PAULUS II
[00906-07.01] [Testo originale:latino]
