PAENITENTIARIA APOSTOLICA

Prot. N. 580/20/1

DECRETUM

Paenitentiaria Apostolica, attentis precibus die XXI Iunii MMXX porrectis ab Exc.mo ac Rev.mo P. D.no Fabio Dal Cin, ad Alma Domo Lauretana Archiepiscopo Praelato, Delegato Pontificio pro Sanctuario Lauteano et Basilica Sancti Antonii Patavii, omnia et singula spiritalia beneficia, occasione centesimi anniversarii, ex quo a Benedicto PP. XV constituta est Beatissima Maria Virgo Lauretana omnium aëreonautarum praecipua apud Deum Patrona, vi Decreti (Prot. N. 271/19/1) die 1 Novembris MMXIX iam rite concessa totum per Iubilarem Annum a die VIII Decembris MMXIX usque ad diem X Decembris MMXX indictum, at propter epidemiam morbi «covid-19» cum populo diu pro dolor non celebratum, nunc pro fidelium utilitate, de specialissimo mandato Ss.mi Domini Nostri Francisci PP., per preasentes prorogat usque ad diem X Decembris MMXXI.

Profecto ex prorogata largitate Ecclesiae christifideles aurient pia proposita et spiritale robur vitae ad legem Evangelicam traducendae, in hierarchica communione et filiali devotione erga Summum Pontificem, Catholicae Ecclesiae visibile fundamentum, et proprium sacrorum Antistitem.

Contrariis quibuscumque minime obstantibus.

Datum Romae, ex aedibus Paenitentiariae Apostolicae, die XVI Iulii, anno MMXX, in commemoratione B. Mariae Virginis a Monte Carmelo.

Maurus Card. Piacenza
Paenitentiarius Maior

Christophorus Nykiel
Regens

*da: L'Osservatore Romano, ed. quotidiana, Anno CLX, n. 186, 17-18/08/2020