www.vatican.va

Back Top Print Pdf


Lettera del Santo Padre all’Inviato Speciale alla consacrazione della Cattedrale di Karonga, Malawi (5 novembre 2016), 29.10.2016


Il 3 settembre scorso è stata pubblicata la nomina dell’Em.mo Card. Fernando Filoni, Prefetto della Congregazione per l’Evangelizzazione dei Popoli, come Inviato Speciale del Santo Padre alla consacrazione della Cattedrale di Karonga (Malawi), che avrà luogo il 5 novembre 2016.

L’Inviato Speciale sarà accompagnato da una Missione Pontificia composta dai seguenti ecclesiastici:

- Rev.do Don Alick Sikwase, Vicario Giudiziale e Parroco di San Michele a Karonga;

- Rev.do P. Simon Kwang Kyu Choi, S.M., nato in Corea del Sud, della Congregazione della Società di Maria, unico sacerdote religioso e missionario presente nella diocesi di Karonga.

Pubblichiamo di seguito la Lettera del Santo Padre al Cardinale Fernando Filoni:

Lettera del Santo Padre

Venerabili Fratri Nostro
FERDINANDO S.R.E. Cardinali FILONI
Congregationis pro Gentium Evangelizatione Praefecto

Ad orandum utique et ad fidei mysteria celebranda convenitur in templum Domini. Merito igitur sacra aedes extollitur, quae quidem caelestia dona praestatura suum in gremium recipit fideles ingredientes, de quibus manifeste dicit Apostolus: "Vos estis templum Dei vivi" (1 Cor 13,16).

Spiritalia haec nunc ad Karonganam dioecesim in Malavio convertuntur, ubi mox cathedrale templum consecratum iri sat scimus. Sacra ibi haec aedes, varia subsidia suppeditantibus Institutis, exstructa est, ut precationis esset locus et divinus cultus congruenter explicaretur.

Convenit igitur ac permagni refert ut eventus hic congruenter commemoretur et optimo iure extollatur. Celebratio enim haec copiam dat et facultatem non huius rei dumtaxat memoriam repetendi, verum animos ad ferventiorem religionis sensum, firmiorem fidem certioraque proposita permovendi.

Quocirca Venerabilis Frater Martinus Anwel Mturnbuka, Karonganus Episcopus, cum rogavisset ut Purpuratum Patrem illic mitteremus, huic postulationi obsecundandum iudicavimus. Ad te ideo, Venerabilis Frater Noster, cogitationem convertimus, qui, gentibus evangelizandis assiduam dans operam, aptus videris ut eventui illi intersis personamque inibi Nostrana. geras. Itaque permagna moti affectione, te Missum Extraordinarium Nostrum renuntiamus et constituimus ad consecrationem cathedralis templi dioecesis Karonganae, die V proximi mensis Novembris agendam.

Universis igitur participibus hominibusque inibi cunctis voluntatem Nostram benignam ostendes, cum quamvis longo spatio separemur, adsimus spiritu praesentes. Te profecto comitabitur Benedictio Nostra Apostolica, quam magna animi affectione tibi impertimur, quamque clero, religiosis viris mulieribusque et cuncto fideli populo transmittas volumus, veluti animorum renovationis signum et supernarum gratiarum pignus.

Ex Aedibus Vaticanis, die XXVII mensis Octobris, anno MMXVI, Iubilaeo Misericordiae, pontificatus Nostri quarto.

FRANCISCUS

[01753-LA.01] [Testo originale: Latino]